Жибек Қуламбаева Мадрид турнири чемпиони бўлди
ASTANА. Kazinform - Қозоғистонлик теннисчи Жибек Қуламбаева Мадрид (Испания) ITF W100 турнирининг жуфтлик баҳсларида ғолиб чиқди.
Турнирнинг учинчи ракеткалари Ж. Куламбаева ва италиялик Николь Фосса-Уэрго финалда испанияликлар Марина Бассольс ва Андреа Лазаро Гарсияга қарши жуда қийин баҳс олиб боришди.
Биринчи сетда Қозоғистон-Италия жуфтлиги тай-брейкда иродалилик кўрсатди – 7:6 (9:7).
Иккинчи сетда испаниялик жуфтлик тай-брейкда ғалаба қозонди – 7:6 (7:4).
Супер тай-брейкда эса Ж. Қуламбаева ва Н. Фосса-Уэрго ҳисобни ўз фойдасига оғдиришга муваффақ бўлди – 10:4.
Финал беллашуви 2 соат 18 дақиқа давом этди.
Эслатиб ўтамиз, аввалроқ Қозоғистонда илк бор Virtus теннис бўйича жаҳон чемпионати бўлиб ўтиши ҳақида хабар берган эдик.
