Женнифер Лопес Қозоғистондан кейин Ўзбекистонда ҳам концерт беради
TASHKENT. Kazinform – Женнифер Лопес Астанадан кейин Тошкентда концерт беради, деб хабар беради Kazinform агентлигининг Ўзбекистондаги мухбири Алихан Асқар.
Хонанданинг гастрол дастурига Тошкент расман киритилди. Женнифер Лопес 7 август куни Ўзбекистон пойтахтида концерт беради. Концерт “Бунёдкор” стадионида бўлиб ўтади.
Шунга кўра, кечадан бошлаб чипталар сотувга чиқарилди. Уларнинг энг арзони 1 миллион сўм (тахминан 40 минг тенге), энг қиммати эса 3,7 миллион сўмдан (150 минг тенге) ортиқ туради.
Концерт ташкилотчилари чипталарни қайта чиқариш ёки алмаштириш мумкин эмаслиги ҳақида огоҳлантирди. Фирибгарларнинг ҳийла-найрангига тушиб қолмаслик учун ўзбекистонликларга чипталарни iticket расмий сайтидан харид қилиш тавсия этилади.
Эслатиб ўтамиз, 1 август куни «Астана Арена» стадионида дунёга машҳур қўшиқчи Женнифер Лопеснинг концерти бўлиб ўтади.
Бундан ташқари, санъаткорнинг иккинчи концерти 10 август куни Алматида бўлиб ўтади.
