Яқин уч кунда Қозоғистонда қор бўрони кутилади
ASTANA. Kazinform - Яқин уч кун ичида Қозоғистонда қаттиқ совуқ, бўрон кузатилади, дея хабар беради Kazinform «Қазгидромет» РДКга таяниб.
«Атлантика циклони ва ёғингарчиликни, айниқса қорни келтириб чиқарадиган атмосфера оқимлари аста-секин шарққа қараб ҳаракатланмоқда. Натижада республика ҳудудида ҳаво ўзгариб туради, Қозоғистон шарқида кучли қор ёғади, жанубда ёмғир ва қор ёғади, тоғли ҳудудларда эса кўп ёғингарчилик бўлади», — дейилади «Қазгидромет» хабарида.
Республика ҳудудида бўрон бўлиши, қор ёғиши, ғарб ва жанубда туман тушиши мумкин. Аммо синоптикларнинг тахминига кўра, 7 январ куни мамлакат ғарбидан совуқ арктик антициклон ҳаракатланади ва ёғингарчилик аста-секин тўхтайди. Кейин ҳаво ҳарорати аввал ғарбда, кейин эса республиканинг бошқа ҳудудларида кескин пасаяди.
Ҳаво ҳарорати мамлакат ғарби ва марказида минус 20-28, шимоли-ғарбда 25-33, шарқда 5-13, жанубда 0-10 даражагача пасаяди.
