Венесуэладаги коннинг қулаши оқибатида 15 киши ҳалок бўлди
CARACAS. Kazinform – Венесуэла жануби-шарқидаги Боливар штатининг Ангостура муниципалитетида коннинг қулаши натижасида 15 киши ҳалок бўлди, 11 киши жароҳатланди. Бу ҳақда чоршанба куни кечқурун мамлакат президенти Николас Мадуро маълум қилди.
Синхуа агентлигининг хабар беришича, қидирув-қутқарув ишлари давом этмоқда.
“Биз зудлик билан барча фуқаролик мудофааси бўлинмаларини жўнатдик ва Боливар штати губернатори Анхель Маркано билан биргаликда қутқарув жараёнини фаоллаштирамиз”, – деди Мадуро.
Дастлабки текширувлар шуни кўрсатдики, кондаги аварияга эни 100 метргача бўлган тупроқнинг 30 метр чуқурликка қулаши сабаб бўлган.
