Вьетнамда коронавирус билан боғлиқ вазият ёмонлашди
Ўтган кун давомида 16 110 та COVID-19 инфекцияси қайд этилган. Улардан 17 таси чет элдан олиб келинган. Энг кўп юқтириш йирик шаҳарларда аниқланган: Ханой пойтахтда – 1405, Камауда – 1345, Хошиминда – 1014 ҳолат.
Соғлиқни сақлаш вазирлиги маълумотларига кўра, мамлакатда коронавирус юқтирганлар умумий сони 1 540 478 нафарни, вафот этганлар сони эса 29 566 нафарни ташкил қилган.
Агентликнинг маълум қилишича, Вьетнамнинг 99 миллиондан ортиқ аҳолисининг 62 миллиони КВИ вакцинасининг икки компоненти билан эмланган.
