Ўзбекистонда ОТМларнинг кундузги бўлимида ўқиётган талабалар сони 10 йилда 2,7 баробарга ошган
TASHKENT. Kazinform — Миллий статистика қўмитаси маълумотларига кўра, 2024/2025 ўқув йили бошида Ўзбекистон Республикасида фаолият юритаётган олий таълим ташкилотларининг кундузги таълим шаклида таҳсил олаётган талабаларнинг умумий сони 707,3 минг нафарни ташкил этган.
Ушбу кўрсаткични 2015/2016 ўқув йили бошига нисбатан таққослаганда 443,4 минг нафарга ёки 2,7 баробарга ошган.
Кундузги таълим шаклида таҳсил олаётган талабаларнинг умумий сони йиллар кесимида қуйидагича:
— 2015/2016 ўқув йили бошига - 263,9 минг нафар;
— 2016/2017 ўқув йили бошига - 267,9 минг нафар;
— 2017/2018 ўқув йили бошига - 287,5 минг нафар;
— 2018/2019 ўқув йили бошига - 313 минг нафар;
— 2019/2020 ўқув йили бошига - 360,1 минг нафар;
— 2020/2021 ўқув йили бошига - 441,8 минг нафар;
— 2021/2022 ўқув йили бошига - 553,9 минг нафар;
— 2022/2023 ўқув йили бошига - 622,6 минг нафар;
— 2023/2024 ўқув йили бошига - 661,8 минг нафар;
— 2024/2025 ўқув йили бошига - 707,3 минг нафарни ташкил этган.
Эслатиб ўтамиз, аввалроқ Ўзбекистонда кичик тадбиркорлик субъектлари қайси соҳада кўпроқ ташкил этилгани ҳақида хабар берган эдик.
