Ўтган йили Қозоғистонда ялпи ички маҳсулот 5%га ўсди
ASTANA. Kazinform – Аниқлаштирилган маълумотларга кўра, 2024 йилда ЯИМнинг ҳақиқий ҳажм индекси 105%ни ташкил этди. Ишлаб чиқарилган умумий ялпи ички маҳсулот ҳажми 136,6 триллион тенгени ташкил қилди.
Миллий статистика бюроси маълумотларига кўра, ЯИМ таркибида товарлар ишлаб чиқариш улуши – 35,9%, хизмат кўрсатиш соҳасиники – 58%ни ташкил этган. ЯИМ ишлаб чиқаришдаги асосий улуш саноат соҳасига тўғри келиб, 26,1%ни ташкил қилди.
Энг юқори ўсиш қуйидаги соҳаларда кузатилди:
- қурилиш – 15,3%,
- қишлоқ хўжалиги, ўрмон ва балиқчилик – 13,7%,
- транспорт ва омбор – 9,4%,
- ўтказув ва чакана савдо; автотранспорт ва мотоциклларни таъмирлаш – 8,9%,
- қайта ишлаш саноати – 6,8%.
2024 йилда бир киши ҳиссасига тўғри келадиган ЯИМ 14 444,6 АҚШ долларини ташкил қилди.
Динамикада ноқонуний (назорат қилинмайдиган) иқтисодиёт улуши 2020 йилдаги 20,2%дан 2024 йилда 16,7%гача камайган. Ундан ташқари, ноқонуний фаолият улуши ЯИМнинг 1,18%ини ташкил этган.
Эслатиб ўтамиз, ЯИМ – бу бозор нархидаги ишлаб чиқарувчи-резидентларнинг ишлаб чиқариш фаолиятининг якуний натижасидир. ЯИМнинг ҳақиқий ҳажм индекси маълум бир даврда иқтисодиётда ишлаб чиқарилган товар ва хизматлар ҳажмидаги ўзгаришни акс эттиради.
