Улитау вилояти қурилиш жадал олиб борилаётган 3 та вилоятдан биридир
NUR-SULTAN. Kazinform – ҚР Миллий иқтисодиёт вазири Алибек Қуантировнинг сўзларига кўра, Улитау вилояти қурилиш суръатлари ошган етакчи учта вилоят қаторига киради. Бу ҳақда у Ҳукумат йиғилишида маълум қилди, дея хабар беради Kazinform мухбири.
Вазирнинг сўзларига кўра, йилнинг саккиз ойида тоғ-кон саноатида хизматлар кўрсатиш индекси 18,5 фоиз, газ қазиб олиш 2,7 фоиз, кўмир қазиб олиш 2,2 фоиз, металл рудаси ишлаб чиқариш 0,5 фоиз ўсган.
«Шу билан бирга, бошқа фойдали қазилмаларни ишлаб чиқаришда 8,3 фоизга пасайиш кузатилди. Шу даврда қурилиш ишлари ҳажми 7,5 фоизга ошди», — деди вазир.
Алибек Қуантиров қурилиш суръати ошган ҳудудларни ҳам айтиб ўтди.
«Кўрсаткичнинг ижобий ўсиши 16 та ҳудудда қайд этилди. Қурилиш-монтаж ишларининг энг юқори ўсиши Алмати, Улитау, Ақмола вилоятларида, шунингдек, Чимкент ва Алмати шаҳарларида кузатилмоқда.
Жорий йилнинг январ-август ойларида 8,8 миллион квадрат метр уй-жой фойдаланишга топширилди. Бу 2021 йилнинг мос даврига нисбатан 1,2 фоизга кам.
14 та ҳудудда ижобий ўсиш кузатилди. Энг юқори кўрсаткичлар Туркистон, Алмати, Павлодар вилоятларида, шунингдек, Чимкент шаҳрида кузатилмоқда», - деди миллий иқтисодиёт вазири.
Муаллиф: Есимжан Нақтибай
