Украина президентининг рафиқаси коронавирус билан касалхонага ётқизилди
KIEV. Kazinform - Украина Президентининг рафиқаси Елена Зеленская Киев шаҳрида пневмония билан касалхонага ётқизилди. Бу ҳақда Kazinform Укринформга асосланиб хабар беради.
Агентлик хабар қилишича, Елена Зеленскаядан COVID-19 инфекцияси топилган ва унинг аҳволи ўртача деб баҳоланмоқда.
«Елена Зеленская кислород машинасига уланмаган. Унинг аҳволи барқарор», - дейилади Президент девони баёнотида.
Бироқ, кеча Украина президенти Владимир Зеленский ва унинг болаларидан олинган COVID-19 анализларда касаллик аниқланмади.
Эслатиб ўтамиз, Украинада коронавирус билан касалланганлар сони 30 мингдан ошди.
