Трамп ўзининг криптовалютасини ишга туширганини эълон қилди
Биринчи кунида фойдаланувчилар 200 миллион танга сотиб олишлари мумкин, кейинги уч йил ичида эса уларнинг сони 1 миллиардга етиши керак, деб хабар беради Kazinform DWга таяниб.
Савдонинг биринчи соатида Дональд Трамп криптовалютаси капиталлашуви 3 миллиард долларга етди, бир ярим соатдан кейин эса у 4,3 миллиард долларгача ўсди.
“Биз тарафдор бўлган ҳамма нарсани нишонлаш вақти келди: Ғалаба! Менинг махсус Трамп ҳамжамиятимга қўшилинг”, - деб ёзди АҚШнинг сайланган президенти Х ижтимоий тармоғидаги ўзининг микроблогида.
Трамп мамлакатдаги крипто саноатини қўллаб-қувватлаган биринчи йирик сиёсий партия номзодига айланди. Президентлик сайловларида ғалаба қозонганидан сўнг, Биткоин ўзининг тарихий максимал қийматини бир неча бор янгилади ва унинг курси 100 минг доллардан ошди.
