Тошкентдаги дзюдо бўйича Grand Slam турнирига Қозоғистондан кимлар боради
ASTANA. Kazinform – 1-3 март кунлари Ўзбекистон пойтахти Тошкентда бўлиб ўтадиган дзюдо бўйича Grand Slam турнирга Қозоғистондан кимлар бориши маълум бўлди.
Қозоғистон Республикаси Миллий олимпия қўмитаси хабарига кўра, Қозоғистон эркаклар терма жамоаси 7 та вазнда баҳс олиб боради.
Улар:
60 кг: Елдос Сметов, Нурқанат Серикбаев
66 кг: Есет Қуанов, Ғусман Қирғизбаев
73 кг: Данияр Шамшаев, Асқар Нарқулов
81 кг: Абилайхан Жубаназар, Руслан Мусаев
90 кг: Айдар Арапов, Ермахан Ануарбеков
100 кг: Бекзат Шағатаев, Нурлихан Шархан
+100 кг: Ерасил Қажибаев, Ғалимжан Қириқбай
Эслатиб ўтамиз, 2-4 февраль кунлари Франция пойтахти Париж шаҳрида “Катта дубулға” туркумига кирувчи жаҳон турнири бўлиб ўтди. Ўша турнирда Қозоғистон терма жамоасидан фақат Нурлихан Шархан шоҳсупага кўтарилган эди.
