Тимофей Скатов Германиядаги турнирнинг иккинчи босқичига чиқди
ASTANA. Kazinform – Қозоғистонлик, дунёнинг 242-ракеткаси Аугсбург (Германия) шаҳрида ўтказилаётган челленжер турнирининг иккинчи босқичига йўл олди.
Мусобақанинг 1-ракеткаси сифатида қайд этилган қозоғистонлик спортчи биринчи босқичда дунё рейтингида 370-ўринни эгаллаб турган мисрлик Моҳамед Сафватни мағлуб этди.
Бир ярим соатдан ортиқ давом этган баҳсда Скатов 6:4, 6:3 ҳисобида зафар қучди. У 1 та эйс билан бирга 6 та брейк-пойнтдан 3 тасини фойдаланди.
Чорак финалга чиқиш учун Тимофей Скатов дунёнинг 460-ркеткаси, италиялик Андреа Пиккьоне ёки 547-ўринни эгаллаб турган словакиялик Норберт Гомбош билан рақобатлашади.
Эслатиб ўтамиз, аввалроқ Александр Шевченко Женевадаги мусобақани ғалаба билан бошлагани ҳақида хабар берган эдик.
