Теннис: Дэвис кубогида иштирок этадиган Қозоғистон терма жамоаси таркиби маълум бўлди
NUR-SULTAN. Кazinform- 4-5 март кунлари Норвегияга қарши Дэвис кубоги саралаш баҳсида қатнашадиган Қозоғистон терма жамоаси таркиби маълум бўлди, дея хабар беради Кazinform мухбири.
Қозоғистон теннис федерациясидан маълум қилишларича, Юрий Шчукин бошчилигидаги мураббийлар штаби ушбу спортчиларга тўхтаган.
Қозоғистоннинг биринчи, дунёнинг 35-рақамли ракеткаси Александр Бублик, 166 ва 180-ўринларни эгаллаб турган Михаил Кукушкин ва Дмитрий Попко яккалик баҳсларида Қозоғистон шарафини ҳимоя қилади.
Жаҳоннинг 35-ракеткаси Андрей Голубев ва Александр Недовесов (67-ўрин) жуфтлик баҳсларида куч синашади.
Ўйинлар Ослодаги Оslo Tennia Arena hard кортларида бўлиб ўтади. Учрашув ғолиби Дэвис кубоги финал босқичига йўлланма олади.
«Норвегия терма жамоаси асосан дунёнинг 8-ракеткаси Каспер Руд ва жаҳон рейтингида 332-ўринни эгаллаб турган Виктор Дурасовичга таянади. 24 ёшли Дурасович жамоада анчадан бери тўп ўйнайди ва якка тартибда ҳам, жуфтликда ҳам яхши ўйнай олади. Шундай бўлса-да, йигитларимиз барқарор ўйин намойиш этиб, ўз олдига қўйган мақсадларига эриша оладилар, деб ўйлайман», — деди Қозоғистон терма жамоаси мураббийи Ю.Шчукин.
