Теннис бўйича ЖЧ: Қозоғистон ёшлар терма жамоаси саралаш турнирининг чорак финалига чиқди
ASTANA. Kazinform – Қозоғистон ёшлар терма жамоаси Кучингда (Малайзия) 14 ёшгача бўлган ўсмирлар ўртасида ўтказилаётган World Junior Tennis Competition 14&under Осиё-Тинч океани минтақаси бўйича саралаш турнирининг чорак финалга чиқди.
Марат Шарипов шогирдлари ўз гуруҳидаги сўнгги ўйинда Эрон терма жамоасини 3:0 ҳисобида мағлуб этишди.
Медина Ўтепберген Раҳиманамиридан 6:2, 6:2 ҳисобида устун келган бўлса, Наиля Баймахан Шабанпурни мағлуб этди – 6:4, 6:1.
Жуфтлик баҳсларида М.Ўтепберген – Екатерина Кирюшенко Раҳиманамири – Мелина устидан 6:1, 6:3 ҳисобида зафар қучди.
Шу тариқа ўз гуруҳида иккинчи ўрин билан чорак финал йўлланмасини қўлга киритган Қозоғистон терма жамоаси эртага, 21 март куни Австралия терма жамоасига қарши майдонга тушади.
