Россия ва Украина ўртасидаги музокараларнинг иккинчи босқичи бугун бўлиб ўтади
MOSKVA. ТАSS-Кazinform - Томонлар дастлаб келишиб олганидек, бугун, 2 март куни Россия-Украина музокараларининг навбатдаги босқичи бўлиб ўтади. Бу ҳақда сешанба куни ТАSSга россиялик манба маълум қилди, дея хабар беради Kazinform.
Душанба куни Беларуснинг Гомель вилоятида Россия-Украина музокаралари бўлиб ўтди, учрашув беш соат давом этди. Россия делегациясига Президент ёрдамчиси Владимир Мединский бошчилик қилди.
Аввалроқ у Россия делегацияси келишувларга эришиш учун қанча вақт керак бўлса, Украина томони билан музокаралар олиб боришга тайёрлигини маълум қилганди. Мединский, шунингдек, Россия ва Украина вакиллари аввалроқ музокараларнинг навбатдаги босқичини Беларусда ўтказишга келишиб олганини айтди.
