Путинцева ва Қуламбаева Парма теннис турнирини муваффақиятли бошлади
ASTANА. Кazinform – Қозоғистоннинг иккинчи, дунёнинг 29-ракеткаси Юлия Путинцева Парма (Италия) челленжер турнирини ғалаба билан бошлади.
Турнирнинг 1-ракеткаси сифатида қайд этилган Юлия Путинцева биринчи даврада дунё рейтингида 139-ўринни эгаллаб турган япониялик теннисчи Ена Шибахарани мағлуб этди.
Қозоғистонлик теннисчи 6:3, 6:4 ҳисобида ғалаба қозонди.
Бир соату 19 дақиқа давом этган ўйинда Путинцева битта эйс билан бирга еттита брейк-пойнтнинг 4 тасини фойдаланди. Шибахара 2 та эйс, 1 брейк (9 та брейк-пойнт) билан чекланди.
Юлия Путинцева чорак финал йўлланмаси учун 299-ўринни эгаллаб турган германиялик Анна-Лена Фридзам билан куч синашади.
Яна бир қозоғистонлик теннисчи Жибек Қуламбаева италиялик Николь Фосса-Уэрго билан жуфтлик баҳсларида чорак финалга йўл олди.
Қозоғистон-Италия жуфтлиги венгриялик Анна Бондар ва швейцариялик Симона Вальтертни қийин кечган баҳсда мағлуб этди – 3:6, 6:4, 10:8. Ўйин 1 соат 37 дақиқа давом этди.
Ж. Қуламбаева чорак финалда Қозоғистоннинг жуфтлик баҳсларидаги 1-ракеткаси Анна Данилина билан учрашиши мумкин. Бунинг учун турнинг биринчи ракеткалари сифатида қайд этилган А.Данилина ва италиялик Анжелика Морателли дастлабки баҳсда Янина Викмайер – Кимпберли Циммерманни мағлуб этишлари керак.
Эслатиб ўтамиз, аввалроқ Дмитрий Попко Загребдаги турнирда рақибини мағлуб этгани ҳақида хабар берган эдик.
