Президент Ислом тараққиёт банки раҳбари Муҳаммад Сулаймон ал-Жассерни қабул қилди
ASTANА. Кazinform — Суҳбат чоғида мамлакат иқтисодиёти ўсишини рағбатлантириш мақсадида ўзаро манфаатли ҳамкорликни йўлга қўйиш истиқболлари муҳокама қилинди.
Давлат раҳбари Ислом тараққиёт банки Қозоғистоннинг барқарор ривожланишига интилишда ишончли ҳамкор эканига эътибор қаратди.
Банк билан ҳамкорлик йилларида умумий қиймати қарийб 2 миллиард долларни ташкил этган 70 дан ортиқ қўшма лойиҳалар амалга оширилди.
Қасим-Жомарт Тоқаев мазкур банк билан асосий стратегик келишувнинг янгиланишини олқишлади.
Унинг доирасида қатор муҳим инфратузилма ва саноат лойиҳаларини амалга ошириш учун қўшимча молиявий қўллаб-қувватлаш учун шарт-шароитлар яратилмоқда.
Ўз навбатида Муҳаммад Сулаймон ал-Жассер қўшма лойиҳаларни амалга оширишни ижобий баҳолади ва Қозоғистон иқтисодиётини диверсификация қилишда бундан буён ҳам иштирок этишга тайёрлигини билдирди.
