Пекинда эпидемиологик хавфли зона кенгайиб бормоқда
BEIJING. Кazinform - Пекинда охирги сутка давомида 21 кишида CОVID-19 юқтириш ҳолати аниқланди, яна бир кишида асемптоматик коронавирус аниқланди, дея хабар беради Kazinform Sinhuaга таяниб.
«Тадқиқот натижаларига кўра, касаллик юқтирган 38 та намунанинг генетик кетма-кетлиги вирус CОVID-19 омикронининг варианти эканлигини кўрсатди», - деди Пекин профилактика ва касалликларни назорат қилиш маркази директори ўринбосари Пан Синхо.
Янги рўйхатга олинган беморлар ва илгари аниқланган беморлар ўртасида эпидемиологик боғлиқлик мавжуд.
«Эпидемиологик таҳлил, генлар кетма-кетлиги ва антитаначаларни аниқлаш натижасида ҳозирда Пекинда иккита инфекция занжири мавжуд», — дея қоʻшимча қилди у.
Сешанба куни Пекин туманларидан бири CОVID-19 учун юқори хавфли ҳудудга, қолган еттита ҳудуд эса ўртача хавфли ҳудудларга киритилди.
Охирги маълумотларга кўра, Хитой пойтахтидаги CОVID-19 профилактикаси ва назорати бўйича шаҳар штаби 2 та ҳудудни юқори хавфли ва 12 та ҳудудни ўртача хавфли деб эълон қилди.
Аввалроқ Пекинда яна 22 та CОVID-19 ҳолати аниқланганидан кейин эпидемияга қарши чоралар кучайтирилгани хабар қилинганди.
