Новак Джокович олтинчи бор ATP финал турнири чемпионига айланди
ASTANA. Kazinform – Дунёнинг 8-ракеткаси, сербиялик Новак Джокович олтинчи бор ATP финал турнири чемпионига айланди, деб хабар беради Kazinform мухбири.
Италиянинг Турин шаҳридаги «Пала Альпитура» стадиони марказий кортида ўтказилган финал учрашувида Н.Джокович дунёнинг 4-ракеткаси, норвегиялик Каспер Руудни 7:5, 6:3 ҳисобида мағлуб этди.
Финал турнирида олтинчи бор ғалаба қозонган Новак рекордчи, швейцариялик Роджер Федерерга тенглашди. Шу билан бирга, 35 ёшли Н.Джокович чемпион бўлган энг ёш теннисчига айланди. Бу борада у Федерернинг рекордини янгилади.
Туриндаги ғалаба учун сербиялик теннисчи 1500 рейтинг очкосини қўлга киритди ва 4 млн АҚШ долларидан ортиқ даромад олди. Ушбу унвон туфайли у жаҳон рейтингида бешинчи ўринга кўтарилди.
Маълумки, Новак Джокович бу йилги Astana Open ATP 500 мусобақасида юқори натижаларга эришди.
Муаллиф: Ғайсағали Сейтақ
Фото: Getty Images
