Мўғулистонда 3 минг намойишчи ҳукумат истеъфосини талаб қилди
ASTANA. Kazinform – Намойишчилар коррупция, тутун ва тирбандликка қарши кураш чораларини кўришни, шунингдек, солиқларни камайтиришни талаб қилишди, деб ёзади DW.
Митинг мамлакат пойтахти Улан-Батордаги Сухэ-Батор марказий майдонида бўлиб ўтди.
Мўғул матбуотига кўра, норозилик намойиши маҳаллий вақт билан соат 11:00 да бошланган ва камида ўн соат давом этган, ваҳоланки, расмийлар буни фақат соат 17:00гача ўтказишга рухсат берган.
Шунингдек, айрим намойишчилар майдонда жойлашган ҳукумат саройига бостириб киришга урингани, бироқ полиция махсус кучлари уларни ҳайдаб чиқаргани хабар қилинган.
