Миср шимолида бинонинг қулаши оқибатида беш киши ҳалок бўлди
Бухейра провинциясининг Рашид шаҳрида саккиз қаватли бинонинг қулаши оқибатида икки киши ҳалок бўлди, тўққиз киши жароҳат олди.
Қидирув-қутқарув ишлари давом этяпти, деб хабар беради маҳаллий МЕНА агентлиги.
Искандария провинцияси шарқидаги Бакус туманида турар-жой биносининг иккита балкони қулаши оқибатида 3 киши ҳалок бўлди, яна икки киши жароҳатланди.
Прокуратура воқеа юзасидан суриштирув ишларини бошлаган.
Эслатиб ўтамиз, июнда Искандария шаҳрида 13 қаватли бино қулаб, 10 киши ҳалок бўлган эди.
