Михаил Кукушкин Ролан Гаррос турнирининг саралаш баҳсларини муваффақиятли бошлади
PARIS. Кazinform — Дунёнинг 135-ракеткаси қозоғистонлик Михаил Кукушкин Ролан Гаррос турнирининг саралаш баҳсларини муваффақиятли бошлади.
Франция очиқ чемпионатида узоқ вақтдан буён ўйнаётган қозоғистонлик 36 ёшли теннисчи саралаш баҳсларининг чорак финалида дунёнинг 151-ракеткаси швейцариялик Леандро Риди билан учрашди.
Деярли бир ярим соат давом этган баҳсда катта тажрибага эга М.Кукушкин унчалик қийналмади – 6:4, 6:3. У 1 та эйс амалга оширди ва 9 та брейк-пойнтдан 4 тасини қайд этди.
Риди 5 та эйс, 1 та брейк билан ажралиб турди.
Михаил Кукушкин саралаш турнирининг финал босқичига чиқиш учун дунё рейтингида 215-ўринни эгаллаб турган австралиялик Ли Ту билан куч синашади.
У жаҳон рейтингида ўзидан ўн поғона юқори бўлган британиялик Оливер Кроуфордни қийин кечган баҳсда — 6:7 (4:7), 6:4, 6:2 ҳисобида мағлуб этди.
Эслатиб ўтамиз, аввалроқ Қозоғистон ўсмирлари теннис бўйича жаҳон чемпионатининг чорак финалида иштирок этиши ҳақида хабар берган эдик.
