Михаил Кукушкин кетма-кет 11 учрашувда ғалаба қозониб, Испанияда финалга чиқди
ASTANА. Кazinform — Дунёнинг 165-ракеткаси, қозоғистонлик 36 ёшли Михаил Кукушкин Тенерифе (Испания) шаҳрида ўтказилаётган челленжер турнирининг финал босқичига йўлланма олди.
Мусобақани саралаш баҳсларида бошлаган қозоғистонлик спортчи ярим финалда дунё рейтингида 399-ўринни эгаллаб турган испаниялик 18 ёшли Мартин Ландалусе билан куч синашди.
Биринчи партияда корт эгаси маҳорат кўрсатди - 6:2.
Иккинчи сетда эса М.Кукушкин ютди - 6:2.
Учинчи, ҳал қилувчи сетда 5:4 ҳисоби қайд этилганда, қозоғистонлик теннисчи матчга тўп узатганида, имкониятдан фойдалана олмади – 5:5. Бироқ у тай-брейкда устунлигини исботлади – 7:6 (7:4).
Қарийб уч соат давом этган шиддатли беллашувда М.Кукушкин 11 та брейк-пойнтдан 4 тасини ҳамда 1 та эйсни фойдаланди. М. Ландалусе 5 та эйс, 4 та брейк (9 брейк) билан ажралиб турди.
Финалда Михаил Кукушкин жаҳоннинг 156-ракеткаси италиялик Маттео Гиганте билан чемпионлик учун курашади. У Ярим финалда 181-ўринни эгаллаб турган хитойлик Бу Юньчаокэтэни 1:6, 7:6 (7:0), 7:6 (9:7) ҳисобида мағлуб этди.
Бунгача Манама (Баҳрайн) челленжер мусобақасида чемпион бўлган М.Кукушкин кетма-кет 11 учрашувда ғалаба қозонган.
Эслатиб ўтамиз, аввалроқ Жибек Қуламбаева Ҳиндистонда ўтказилган мусобақада ғолиб бўлгани ҳақида хабар берган эдик.
