Михаил Кукушкин Баҳрайндаги мусобақанинг ярим финалига йўлланма олди
ASTANА. Kazinform – Қозоғистонлик, дунёнинг 231-ракеткаси Михаил Кукушкин Манама (Баҳрайн) челленжер турнирининг ярим финалга чиқди.
Чорак финалда қозоғистонлик теннисчи дунёнинг 187-ракеткаси иорданиялик Абедаллаҳ Шелбайхга қарши кортга чиқди.
Ҳар икки сетда 6:4, 6:4 ҳисоби қайд этилди ва Кукушкин ғалаба қозонди.
Бир соату 36 дақиқа давом этган учрашувда у 1 та эйс билан бирга 4 та брейкнинг ярмидан фойдаланди. Иорданиялик теннисчи 8 та эйс амалга оширган бўлса-да, 5 та брейк-пойнтдан фойдалана олмади.
Михаил Кукушкин финалга чиқиш учун дунёнинг 129-ракеткаси чехиялик Якуб Меншик билан куч синашади.
Эслатиб ўтамиз, аввалроқ Жибек Қуламбаева Таиланддаги мусобақада ярим финалга чиққани ҳақида хабар берган эдик.
