Лас-Вегасда 10 йилдан бери кузатилмаган кучли ёмғир 2 кишининг ҳаётига зомин бўлди
WASHINGTON. Kazinform - Лас-Вегасда жума кунидан бери кучли сув тошқини туфайли икки киши ҳалок бўлган, деб хабар бермоқда Kazinform USA Today нашрига таяниб.
Икки эркакнинг жасади жума куни жамоат ишлари бригадалари ва ўт ўчирувчилар томонидан Лас-Вегас булвари курорт ҳудуди яқинидаги сув каналидан топилган. Кларк округи маъмурлари ўлганларнинг шахсини ва ўлим сабабини дарҳол аниқлай олишмаган.
Лас-Вегас сўнгги ўн йилликдаги энг кучли муссон мавсумини бошдан кечирмоқда. Миллий об-ҳаво хизмати маълумотларига кўра, 2022 йилда 32,5 мм ёғингарчилик тушган. Бу кўрсаткич 2014 йилдан бери энг юқори кўрсаткичдир.
Лас-Вегасдаги Миллий об-ҳаво хизмати сув тошқини, кучли ёмғир, чақмоқ ва кучли шамоллар ҳақида огоҳлантирди.
Тўфон сувлари йўл ҳаракатига ҳалақит бермоқда, шунингдек, турар-жой мулклари ва бир нечта казиноларга зарар етказган. Қутқарув хизматларига автомашиналарнинг сув тошқинида тўхтаб қолиши муносабати билан уч марта мурожаат келиб тушган. Барча ҳайдовчилар жароҳатларсиз эвакуация қилинди.
Лас-Вегас шаҳри аҳолига сув босган ҳудудлардан ўтмасликни ва бошқа айланма йўлларни қидиришни ёки сув тўхтагунча кутишни тавсия қилди.
Кларк округи минтақавий сув тошқини назорати бошқармаси хабарига кўра, Лас-Вегас водийсида сўнгги йирик муссон мавсуми 2012 йилда бўлган, ўшанда 76 мм дан ортиқ ёмғир ёғиб, икки кишининг ҳаётига зомин бўлган.
Видеодан олинган сурат/cbsnews.com
