Лас-Вегас аэропортига қўнаётган йўловчи самолёти ёниб кетди
ASTANA. Kazinform – АҚШда Американинг Frontier Airlines авиакомпаниясининг Сан-Диего – Лас-Вегас йўналиши бўйича 1326-рейсни амалга ошираётган самолёти Лас-Вегас (Невада штати) шаҳрида қўниш чоғида ёниб кетди. Бу ҳақда ТАСС агентлиги ёзди.
CBS Newsнинг аэропорт ва авиакомпания вакилига таяниб хабар беришича, ҳодиса Гарри Рид халқаро аэропортида юз берган. Жабрланганлар йўқ, йўловчилар ва экипаж эвакуация қилинган.
Ҳозирда ҳодиса сабаблари аниқланмоқда.
