ҚР Соғлиқни сақлаш вазирининг айтишича, бу йил мамлакатда бир қатор хавфли инфекциялар қайд этилмаган
NUR-SULTAN. Kazinform - Бугун, Парламент Мажилисида ўтказилган Ҳукумат соати давомида, Соғлиқни сақлаш вазири Aлексей Цой бу йил мамлакатда бир қатор хавфли касалликлар рўйхатга олинмаганини айтди, деб хабар беради Kazinform мухбири.
«2021 йилнинг 8 ойида вабо, безгак, тиф, паратиф, туларемия, дифтерия, қизамиқ, полиомиелит, қоқшол билан касалланиш ҳолатлари қайд этилмаган. 2020 йилнинг шу даврига нисбатан 23 та нозология, жумладан, ўткир вирусли гепатит билан касалланиш 3 баробар, менингокок инфекцияси 2,6 баробар камайди. Бу йил қизамиқ билан касалланиш битта-яримта ҳолатгача камайди «, - деди А. Цой.
