ҚР Президенти “Туркистон шаҳрининг алоҳида мақоми тўғрисида”ги қонунни имзолади
ASTANA. Kazinform – Давлат раҳбари Қозоғистон Республикасининг “Туркистон шаҳрининг алоҳида мақоми тўғрисида”ги қонунини имзолади.
Туркистон шаҳрининг мамлакатнинг маънавий, тарихий-маданий, сайёҳлик маркази ва меъморий мероси сифатидаги алоҳида мақоми қонунда белгиланган.
Ҳужжатда: тарихий-маданий меросни сақлаш — Хожа Аҳмад Ясавий мақбараси ва бошқа ёдгорликларни муҳофаза қилиш; археологик ва илмий-реставрация ишларини тартибга солиш; тарихий-маданий меросни тиклаш ва миллий ҳунармандчиликни улуғлаш; муҳофаза қилинадиган ҳудудда баландлиги ва архитектураси бир-бирига мос келмайдиган биноларни қурмаслик; археологик ёдгорликлар қўриқхонасини яратиш; ногиронлар учун қулай инфратузилма ва инклюзив туризмни яратиш орқали шаҳарда қулай муҳит яратиш; шаҳарнинг бир хил қиёфаси — архитектура хусусиятларини сақлаб қолиш учун лойиҳа кодини жорий этиш; самарали бошқарув ва назоратни амалга ошириш учун ҳокимлик ва маслихат ваколатларини кенгайтириш; ҳунармандларни давлат томонидан қўллаб-қувватлаш ва транспорт транзитини тартибга солиш; туризмни ривожлантириш ва ҳаёт сифатини яхшилаш билан бир қаторда шаҳарнинг тарихий хусусиятларини сақлаб қолиш режалаштирилган.
Қонун матни матбуотда эълон қилинади.
