ҚР Давлат хавфсизлик хизмати Астана аҳолисига мурожаат қилди
ASTANA. Kazinform – Давлат хавфсизлик хизмати 2024 йил 27-28 ноябрь кунлари хорижий давлат раҳбарлари иштирокида КХШТ Коллектив хавфсизлик кенгаши йиғилиши бўлиб ўтиши муносабати билан Астана аҳолиси ва меҳмонларига мурожаат қилди.
“Пойтахт кўчаларининг айрим қисмларида автотранспорт воситалари ҳаракати учун вақтинчалик чекловлар жорий этилади. Тайёргарлик чора-тадбирлари махсус давлат, ҳуқуқ-тартибот идоралари ва Қозоғистон Республикаси Қуролли Кучлари ресурсларидан, жумладан, ҳарбий авиация ва техникадан фойдаланишни ўз ичига олади”, – дейилади баёнотда.
Алоҳида маълум қилинишича, 27 ноябрь куни шаҳар бўйлаб авиация парвозлари режалаштирилган.
Фуқаролардан муҳим халқаро тадбир вақтида кўрилган хавфсизлик чораларини тўғри тушунишлари сўралади.
