Қозоғистонликларга жамоат жойларида ва автомобилларда яна ниқоб тақиш тавсия қилинди
NUR-SULTAN. Кazinform – Қозоғистонда коронавирус тарқалишининг олдини олиш бўйича идоралараро комиссияси одамлар гавжум жойларда ниқоб тақишни тавсия қилди, деб хабар беради Кazinform.
Тиббий ниқобни қуйидаги жойларда тақиш тавсия этилади:
- одамлар гавжум жойларда (аэропортлар, темир йўл вокзаллари, автовокзаллар, бозорлар, савдо ва кўнгилочар марказлар, савдо уйлари, театрлар, кинотеатрлар, давлат хизматлари марказлари, банклар, томошабинлар иштирокида ўтказиладиган спорт тадбирлари);
- уюшган жамоаларда, барча турдаги транспорт (жамоат транспорти, ҳаво, темир йўл, халқаро автобус транспорти).
