Қозоғистонлик теннисчи Михаил Кукушкин Уимблдон турнирининг саралаш босқичини муваффақиятли бошлади
Қозоғистон теннис федерацияси маълумотларига кўра, дунёнинг 160-ракеткаси М. Кукушкин саралаш турнирининг биринчи босқичида дунё рейтингида 173-ўринни эгаллаб турган италиялик Лоренцо Жустино билан куч синашди.
Бунгача рақиблар бир марта тўқнаш келишган ва унда Михаил ғалаба қозонган.
Бу сафар атиги 52 дақиқа давом этган баҳсда қозоғистонлик теннисчи 6:2, 6:1 ҳисобида ғалаба қозонди. У мусобақа давомида тўрт марта брейкдан фойдаланишга муваффақ бўлди.
Саралаш мусобақаларининг финал босқичига чиқиш учун М. Кукушкин дунёнинг 230-ракеткаси, германиялик Филипп Кольшрайбер билан куч синашади.
Уимблдон «Катта дубулға» туркумига кирувчи йилнинг учинчи мусобақасидир.
Эслатиб ўтамиз, аввалроқ Қозоғистонлик теннисчиларнинг жаҳон рейтингидаги ўринлари маълум бўлганини хабар қилган эдик.
Муаллиф: Елжан Ерали
