Қозоғистонлик теннисчи Аргентинадаги мусобақанинг ярим финалига йўлланма олди
ASTANА. KAZINFORM – Қозоғистонлик, дунёнинг 358-ракеткаси Дмитрий Попко Аргентина пойтахти Буэнос-Айресда ўтказилаётган челленжер турнирида ярим финалга чиқди.
Чорак финалда қозоғистонлик теннисчи дунёнинг 236-ракеткаси, ушбу мусобақанинг 4-ракеткаси аргентиналик Андреа Колларинини мағлуб этди.
Қарийб икки соат давом этган баҳсда Дмитри Попко рақибини 6:4, 6:4 ҳисобида ютди. У 5 та эйс амалга оширди ва 6 та брейк-пойнтдан 4 тасини ишлатди.
А. Колларини 7 та брейк-пойнтдан фақат иккитасини амалга оширди.
Дмитрий Попко финалга чиқиш учун дунёнинг 241-ракеткаси, яна бир корт эгаси Факундо Баньис билан куч синашади.
Эслатиб ўтамиз, аввалроқ Денис Евсеев Испаниядаги мусобақанинг биринчи ракеткасини мағлуб этгани ҳақида хабар берган эдик.
