Қозоғистонлик пауэрлифтингчилар жаҳон чемпионатида 38 та медални қўлга киритди
QARAǴANDY. Kazinform – Қарағанди вилояти комплекс спорт мактаби тарбияланувчилари ўғил-қизлар, ўсмирлар ўртасида пауэрлифтинг бўйича алоҳида машқларда жаҳон чемпионатида 38 медални қўлга киритди. Мусобақалар Истанбулда бўлиб ўтди, деб хабар беради Kazinform мухбири.
Мусобақада Қозоғистон, Италия, Канада, Швеция, Буюк Британия, Финляндия, Ирландия, Испания, Бразилия, Мексика, Ҳиндистон, Польша ва бошқа мамлакатлардан 400 нафарга яқин спортчи иштирок этди.
Қарағанди вилоятидан саккиз нафар спортчи чиқиш қилди. Уларнинг барчаси уйларига мукофотлар билан қайтишди.
«Пауэрлифтинг бўйича ўсмирлар ўртасида Борис Букатка (66 кг вазнда) чемпион бўлди. Айтас Оспанов, Тимур Хузиаҳметов, Данила Клейкин, Василий Щербина, Полина Онуфрак, Регина Гаас ва Карина Тичкова ғолиб деб топилди. Ҳаммаси бўлиб қарағандилик спортчилар пауэрлифтинг бўйича турли машқларда 25 та, классика бўйича 13 та медални қўлга киритишди», - дея хабар берди Қарағанди вилояти жисмоний тарбия ва спорт бошқармаси.
Муаллиф: Агата Мухамеджанова
