Қозоғистонлик Қанат Исламнинг WВО унвони учун жанги трансляциясини қаердан кўриш мумкин
NUR-SULTAN.Кazinform – 26 феврал, шанба куни эрталаб Плант-Сити шаҳрида (АҚШ, Флорида) қозоғистонлик боксчи Қанат Ислам (28-0, 22 КО) британиялик Жимми Келлига (25-2, 10 КО) қарши жанг ўтказади, дея хабар беради Kazinform Sports.kzга таяниб.
Улар ўрта вазн тоифасида вакант бўлган WBО Global чемпионлик унвонига даъвогарлик қилишади. Жанг ўн раундга мўлжалланган. Жонли эфир Нур-Султан вақти билан соат 07:00да бошланади ва Қозоғистонда «Хабар» телеканалида томоша қилиш мумкин бўлади.
Эслатиб ўтамиз, Қанат Ислам охирги марта ўтган йилнинг феврал ойида рингга чиққан - ўшанда у эквадорлик боксчи Жейсон Минду (14-6-1, 8 КО) устидан еттинчи раундда техник нокаут билан ғалаба қозонган эди. Жимми Келлига келсак, британиялик сўнгги жангини декабр ойида ўтказиб, учинчи раундда ҳамюрти Гарри Метюсни (16-51-3, 2 КО) нокаутга учратган эди.
