Қозоғистонда патогенлар билан ишлайдиган мутахассисларнинг иш ҳақини 50 фоизга ошириш таклиф қилинди
NUR-SULTAN. Kazinform – ҚР Соғлиқни сақлаш вазири ўринбосари - Бош санитария врачи Ерлан Қиясов патогенлар билан ишлайдиган мутахассисларнинг иш ҳақини 50 фоизга оширишни таклиф қилди. У бу ҳақда «Қозоғистон Республикасининг биологик хавфсизлиги тўғрисида» ги қонун лойиҳасини Мажилис депутатларига тақдим этиш чоғида айтиб ўтди, деб хабар беради Kazinform мухбири.
Ерлан Қиясовнинг сўзларига кўра, қонун лойиҳасида 2022-2024 йиллар учун умумий қиймати 25 миллиард тенгедан ошадиган харажатлар кўзда тутилган. Жумладан, учта асосий ихтисослаштирилган идора - Соғлиқни сақлаш вазирлиги - 23,4 миллиард, Қишлоқ хўжалиги вазирлигига - 1,1 миллиард, Таълим ва фан вазирлигига - 1,1 миллиард тенге ажратилади.
«Бу маблағлардан 10,9 миллиард тенге хавфли патогенлар билан ишлайдиган мутахассисларнинг иш ҳақини 50 фоизга оширишга, нафақалар, реабилитация нафақаларига 2 маош миқдорида, биохавфсизлик бўйича мутахассисларнинг малакасини ошириш ва қайта тайёрлашга йўналтирилади», - деди у.
Муаллиф: Есимжан Нақтибай
