Қозоғистонда инклюзив таълимда психологик-педагогик қўллаб-қувватлашнинг уч босқичли модели жорий этилмоқда
ASTANА. Кazinform – ҚР Таълим-маориф вазирлиги инклюзив таълим шароитида психологик-педагогик қўллаб-қувватлашнинг уч босқичли моделини жорий этмоқда.
ҚР Таълим-маориф вазирлиги барча болалар, жумладан, алоҳида таълимга муҳтож болалар учун таълим олишдан тенг фойдаланиш имкониятларини кенгайтириш бўйича қатор чора-тадбирларни амалга оширди.
Вазирлик матбуот хизмати хабарига кўра, янги қоидаларга мувофиқ таълим муассасаларида психологик-педагогик қўллаб-қувватлашнинг уч босқичли модели жорий этилади.
Биринчи босқичда синф раҳбарлари ва ўқитувчилари синф ёки гуруҳдаги дарсларда болани қўллаб-қувватлайди. Иккинчи даража психологик-педагогик ёрдам хизматлари мутахассисларини, жумладан, педагог-психологлар, ижтимоий педагоглар, махсус педагоглар ва педагог ёрдамчиларни жалб қилишни назарда тутади. Зарур ҳолларда учинчи босқичга сурдопедагоглар, тифлопедагоглар ва бошқа экспертлар, ихтисослаштирилган мутахассислар қўшилади.
“Ушбу чора-тадбирлар ўқишда қийналаётган барча болалар учун таълим хизматлари сифатини оширишга қаратилган. Психологик-педагогик қўллаб-қувватлашнинг уч босқичли модели туфайли болалар уларнинг эҳтиёжлари ва шахсий имкониятларига энг мослаштирилган ёрдам оладилар", - деди ҚР Таълим-маориф вазирлиги инклюзив ва махсус таълим департаменти директори Лаура Бутабаева.
Бу чора-тадбирлар ҳар бир болага ўз салоҳиятини рўёбга чиқариш имконини берувчи инклюзив таълим муҳитини яратади.
Таъкидлаш жоизки, ҚР Таълим-маориф вазирлиги инклюзив таълимни ривожлантиришга устувор аҳамият қаратмоқда. Бугунги кунда умумтаълим мактабларининг 86 фоиздан ортиғида инклюзив таълим учун шароитлар яратилган.
