Қозоғистонда ихтиёрий тиббий суғурта қачон кенг аҳоли учун мавжуд бўлади
NUR-SULTAN. Кazinform - Бугун Қозоғистон фуқаролари ихтиёрий тиббий суғуртадан фойдаланиш имкониятига эга. Бу ҳақда Қозоғистон Республикаси Соғлиқни сақлаш вазири Ажар Ғиният МКХда бўлиб ўтган брифингда маълум қилди, дея хабар беради Кazinform мухбири.
«Аммо ундан асосан йирик корхоналар, жумладан, нефть корхоналари ҳам фойдаланади. Бундан кенг аҳоли фойдаланиши учун биз Давлат раҳбарининг кўрсатмаларини инобатга олган ҳолда, эндиликда ишчи гуруҳ доирасида кенгайтирамиз, бугунги кунда ушбу хизматни кўрсатувчи барча суғурта компанияларини таклиф қиламиз», — деди Ажар Ғиният журналистлар саволига жавобан.
Бироқ, унинг таъкидлашича, бу механизмлар ишлаб чиқилади.
«Аниқ бўлиниш бўлади – ихтиёрий суғурталовчи компания қандай ёрдам кўрсатиши мумкин, бепул тиббий ёрдамнинг кафолатланган ҳажми доирасида қандай ёрдам кўрсатамиз ва мажбурий тиббий суғурта доирасида қандай ёрдам кўрсатилади. Йил охиригача муддатларимиз бор», - деб тушунтирди Ажар Ғиният.
