Қозоғистонда электр энергияси ишлаб чиқариш ҳажми 30 фоизга ошди
NUR-SULTAN. Kazinform – Қозоғистонда электр энергияси ишлаб чиқариш ҳажми 30 фоизга ошди, деб хабар беради Kazinform energyprom.kz нашрига таяниб.
Жорий йил бошида Қозоғистонда қайта тикланадиган энергия манбаларининг ўрнатилган қуввати 2 минг МВтни ташкил этди. Бу ўтган йил бошига нисбатан 23 фоизга кўпдир.
Қайд этиш жоизки, 2016 йилга нисбатан қайта тикланувчи энергия манбаларининг ўрнатилган қуввати 6,8 баробарга ошди. Ўрнатилган қувватларнинг катта қисми Қуёш электр станциялари, 34 фоизи шамол энергиясидир. Кичик ГЭС (281 МВт) ва биоелектр станциялари (7,8 МВт) улуши эса камроқ.
Ўтган йили қайта тикланувчи энергия манбаларидан электр энергияси ишлаб чиқариш йилига 30,1 фоизга ошиб, 4,2 миллиард кВт/соатни ташкил этди. Қайта тикланадиган энергетика объектларида ишлаб чиқарилган электр энергиясининг умумий электр энергияси ишлаб чиқаришдаги улуши 3,7 фоизга етди.
bp.com портали маълумотларига кўра, 2020 йилда дунё бўйлаб қайта тикланадиган энергия манбалари объектлари орқали электр энергияси ишлаб чиқариш йилига 12,8 фоизга ошиб, умумий ҳажми 3,1 триллион кВт/соатга етган. Ишлаб чиқариш бўйича етакчи давлатлар Хитой, АҚШ ва Германия ҳисобланади. ТОП-3 мамлакатлари дунёда қайта тикланадиган энергия манбаларидан ишлаб чиқариладиган электр энергиясининг 52,3 фоизини беради.
Украина МДҲ мамлакатлари орасида биринчи ўринда туради: мамлакатда электр энергияси ишлаб чиқариш ҳажми ўтган йилда 9,7 миллиард кВт/соатни ташкил этди. Иккинчи ва учинчи қаторларда мос равишда Қозоғистон (3,7 млрд кВт/соат) ва Россия (3,5 млрд кВт/соат) жойлашган.
