Қозоғистонда 1 миллиондан ортиқ одамга озиқ-овқат учун ёрдам пули берилади
NUR-SULTAN. Kazinform – Қозоғистонда 1 миллиондан ортиқ одамга озиқ-овқат ва асосий эҳтиёжлар учун ёрдам пули тўланади, деб хабар берди Kazinform ҚР Меҳнат ва аҳолини ижтимоий ҳимоя қилиш вазирлигига таяниб.
«Июль ойида Қозоғистон Меҳнат ва ижтимоий ҳимоя қилиш вазирлиги озиқ-овқат ва уй-рўзғор буюмлари учун тўловларни тўлаш тартибини ишлаб чиқди ва қабул қилди. Қозоғистонликлар 20 июльдан ой охиригача банк карталари бўйича тўловларни қабул қилиш имкониятига эга бўладилар», - дейилади баёнотда.
Тўлов 5 ижтимоий гуруҳга тегишли фуқароларга:
- манзилли ижтимоий ёрдам олувчи 6-18 ёшли болаларга;
- 16 ёшгача бўлган имконияти чекланган болалар;
- барча І, ІІ, ІІІ гуруҳ ногиронлари;
- ногирон фарзанд тарбияловчи оилалар;
- ишсиз фуқароларга берилади. Мавжуд маълумотларга асосланиб, маҳаллий ижро ҳокимияти органлари озиқ-овқат ва уй-рўзғор буюмларини олишлари керак бўлган одамлар рўйхатини тузадилар. Кейин июль ойида, яъни чеклов чоралари даври учун 2 ойлик ҳисоб кўрсатгичи миқдорида нафақа тўланади.
Илгари хабар берилганидек, коронавирус инфекцияси хавфини камайтириш учун одамларнинг бевосита алоқа қилишига йўл қўймаслик учун аҳолининг ушбу заиф қатламларига бериладиган озиқ-овқат ва уй-рўзғор маҳсулотлари уларнинг банк карталарига ўтказиладиган нафақага алмаштирилганди.
Март-май ойларида ушбу тўловлар 1 миллион кишига (жами 13,5 миллиард танга) берилди.
