Қозоғистон уч ойда 18,7 миллиард долларлик маҳсулот экспорт қилди
ASTANA. Kazinform – Қозоғистон 3 ойда 18,7 миллиард долларлик маҳсулот экспорт қилди. Бу ҳақда Ҳукумат йиғилишида миллий иқтисодиёт вазири Алибек Қуантиров маълум қилди, дея хабар беради Kazinform мухбири.
«Дастлабки натижаларга кўра, 2023 йил январь-март ойларида ташқи савдо айланмаси 13,4 фоизга ўсиб, 32,7 миллиард долларни, экспорт эса 18,7 миллиард долларни ташкил этди. Шу билан бирга, қайта ишланган маҳсулотлар экспорти 8,1 фоизга ошиб, 5,9 миллиард долларга етди. Товарлар импорти 14 миллиард долларни ташкил этди. Умуман олганда, ижобий савдо баланси 4,8 миллиард долларга тенг», – деди Миллий иқтисодиёт вазири.
Муаллиф: Марлан Жиембай
