Қозоғистон хориждаги ватандошларига Қозоқ картасини беради
NUR-SULTAN. Kazinform - Давлат раҳбари топшириғини бажариш мақсадида янги концепция доирасида тарихий ватанига кўчиб келишни хоҳловчи ватандошларни қабул қилиш ва жойлаштириш сиёсати қайта кўриб чиқилади, деб хабар беради Kazinform.
Хусусан, ҳужжатларни қабул қилиш даврида қоннинг келиб чиқиш жойини аниқлаш механизмини жорий этиш ҳамда ишчи кучи етишмайдиган ҳудудларга миграцияни тартибга солиш ва рағбатлантириш, доимий пропискадан сўнг фуқароликка бериш чораларини кўриш кўзда тутилган.
Ушбу ёндашув Германия, Исроил ва Россияда ватандошларнинг маҳаллий жамиятга интеграциялашув жараёнларини тартибга солиш ва миллий иқтисодиёт эҳтиёжларини ҳисобга олган ҳолда уларнинг салоҳиятидан фойдаланиш учун муваффақиятли қўлланилади.
Бундан ташқари, тарихий ватан билан алоқаларни мустаҳкамлаш мақсадида ўз мамлакатларида муваффақиятли бизнес-кейсларни амалга оширган ва Қозоғистонга келиш ниятида бўлган юқори даражали мутахассислар ёки этник қозоқлар (бошқа давлат фуқаролари) учун қозоқ картасини жорий этиш ва бериш тавсия этилади.
Ушбу карта эгаси, сиёсий ҳуқуқлардан ташқари, Қозоғистонга соддалаштирилган тартибда кириш (бизнесни бошлаш, кўчмас мулк ва бошқа мулкка эгалик қилиш, молиявий операцияларни амалга ошириш) ҳуқуқига эга бўлади.
