«Қозоғистон халқига» жамоат фонди 2023-2024 ўқув йили учун 850 та таълим гранти ажратди
ASTANA. Кazinform – «Қозоғистон халқига» жамоат фонди 2023-2024 ўқув йили учун 850 та таълим гранти ажратди, дея хабар беради Кazinform ҚР Фан ва олий таълим вазирлиги матбуот хизматига таяниб.
Аввало, ушбу дастур бўйича танловда кимлар иштирок этиши мумкинлигини айтайлик:
Жорий йилда Миллий ягона тестни топширган (январь, март, асосий ва август ойларида Миллий ягона тест сертификатларидан бири тақдим этилиши мумкин) ва ОТМга кириш учун энг кам балларни тўплаган битирувчилар:
қишлоқ жойларда, кичик ва моношаҳарлардаги кам таъминланган оилалар аҳолиси;
етим болалар ёки вояга етгунга қадар ота-она қарамоғисиз қолган болалар;
ногирон фуқаролар;
ногирон болаларни тарбиялаётган оилалар;
2022 йил январидаги фожиали воқеаларда ҳалок бўлган ҚР фуқароларининг фарзандлари;
2022 йил январ ойидаги фожиали воқеалар пайтида жароҳатланган болалар;
фавқулодда вазиятларда ҳалок бўлган ҚР фуқароларининг фарзандлари.
Дастурда иштирок этиш учун минимал ёш - 29 ёш.
Ариза топшириш муддати: 10-17 август.
Ҳужжатлар ОТМларнинг қабул комиссиялари орқали топширилиши керак.
Эслатма: Грант олувчи ўқишни тугатгандан сўнг грантни қайтаришга мажбур эмас.
Батафсил маълумотлар жамғарманинг @qazaqstanhalqyna.kz сайти ва ижтимоий тармоқларида эълон қилинган.
