Костенко конида 42 нафар кончининг жасади топилди
Соат 15:00 ҳолатига кўра, Костенко шахтасида 42 кишининг жасади топилди, 4 нафар кончини қидириш давом этмоқда, деб хабар беради Kazinform агентлиги ҚР Фавқулодда вазиятлар вазирлиги матбуот хизматига таяниб.
Аварияни бартараф этиш бўйича республика тезкор штаб бошлиғи — ФВВ вазири, генерал-маёр Сирим Шарипханов конга кирди. Ёнғин ва кончилар ҳалок бўлган жойлар кўздан кечирилди.
Фавқулодда вазиятларда ҳаракат қилиш штаблари қидирув-қутқарув ишларини кечаю кундуз мувофиқлаштирмоқда. Қутқарувчилар учун маршрутлар кончилар бўлиши мумкин бўлган энг хавфсиз ва эҳтимолий ҳудудлар учун ишлаб чиқилмоқда.
Қидирув тадбирлари бир-биридан тахминан 4 км узоқликда жойлашган иккита ишлаб чиқариш майдончаси ҳудудида олиб борилмоқда.
Кон қутқарувчилари зарур жиҳоз ва алоқа воситалари билан таъминланган.
Газ ҳолатини кузатиш давом этмоқда.
Қидирув-қутқарув ишларига “Профессионал ҳарбийлаштирилган авария-қутқарув хизмати Республика марказий штаби” МЧЖ Қарағанди филиалининг жами 55 нафар кон қутқарувчиси ва 15 нафар техникаси сафарбар этилган.
Тез тиббий ёрдам кўрсатиш учун 21 киши ва 7 бирлик тез тиббий ёрдам техникаси сафарбар этилган.
Бундан ташқари, ФВВ ва Қарағанди вилояти ФВД республика ва вилоят тезкор штаблари фаолият юритмоқда.
