Калифорниядаги ўрмон ёнғинлари қурбонлари сони 24 кишига етди
ASTANA. Kazinform – Калифорниядаги ёнғин оқибатида 24 киши ҳалок бўлди. Бу ҳақда ABC News Лос-Анжелес округи тиббий экспертизаси бошқармаси ҳисоботига таяниб хабар берди.
“Итондаги ёнғинда 16 киши, Палисейдсдаги ёнғинда эса саккиз киши ҳалок бўлгани тасдиқланди”, – дейилади хабарда.
Эслатиб ўтамиз, аввалроқ Лос-Анжелесдаги ўрмон ёнғинида ҳалок бўлганлар сони 16 кишига етгани ҳақида ёзган эдик.
Жума куни кечқурун маҳаллий ҳукумат ёнғин туфайли аҳоли томонидан бўшатилган Тинч океанидаги Палифик-Палисейдс ва Итон маҳаллаларида соат 18:00 дан эрталаб 6:00 гача комендантлик соати эълон қилди.
АҚШ президенти Жо Байден Калифорниядаги бу ҳолатни штат тарихидаги энг йирик ва энг ҳалокатли ўрмон ёнғини деб атади.
