Испанияга яна бир жазирама тўлқини яқинлашмоқда
BRUSSELS. Кazinform – Испания давлат метеорология агентлиги (Аеmet) маълумотларига кўра, Пиреней ярим оролининг бир қисмида яна бир жазирама тўлқини кузатилади, деб хабар беради Кazinform мухбири.
Хавфли зона Испаниянинг тўртта автоном ҳамжамиятини ўз ичига олади: Кастиля-и-Леон, Кастиля-Ла-Манча, Андалусия ва Экстремадура.
Шу билан бирга, охирги иккитасида ҳаво ҳарорати 40 даражадан ошади. Иссиқлик ярим оролнинг жанубий қисми бўйлаб ғарбга қараб ҳаракатланадиган иссиқ ва қуруқ Африка континентал ҳаво массасидан келади.
Испанияда ҳароратнинг қисқа муддатли пасайишидан сўнг, мамлакат жануби ва жануби-ғарбий қисмида термометрлар 35 даражагача кўтарила бошлади.
Биринчи иссиқлик тўлқини июнь ойида Испания ва Португалияда содир бўлган.
Муаллиф: Арнур Раҳимбеков
