Хитой коинотга учта янги сунъий йўлдошни учирди
ASTANA. Kazinform – Душанба куни Хитой Хайнан орол провинцияси (Жанубий Хитой)даги Вэньчан космодромидан коинотга учта янги сунъий йўлдошни муваффақиятли учирди, дея хабар беради Kazinform Синьхуа агентлигига таяниб.
«Шицзянь-23», «Шиянь-22А» ва «Шиянь-22Б» сунъий йўлдошлари «Чанчжэн-7» ташувчи ракетасининг янгиланган версияси орқали Пекин вақти билан соат 06:00да учирилди ва режалаштирилган орбиталарига муваффақиятли етиб келди.
«Шицзянь-23» сунъий йўлдоши асосан илмий синов ва техник текшириш учун ишлатилади, «Шиянь-22А» ва «Шиянь-22Б» сунъий йўлдошлари эса янги технологияларни, жумладан, космик муҳитни кузатишни орбитада текшириш учун ишлатилади.
Ушбу учирма «Чанчжэн» серияли ракеталар учун кетма-кет 459-чи бўлди.
Фото: eldiariony.com
