Футзал бўйича Европа чемпионати: Ярим финалга чиққан жамоалар аниқланди
NUR-SULTAN. Кazinform - Футзал бўйича 2022 йилги Европа чемпионатининг ярим финалига қадар етиб борган жамоалар аниқланди, дея хабар беради Kazinform мухбири.
Энди ярим финалда Португалия ва Испания, Россия ва Украина терма жамоалари куч синашади. 1 феврал куни Россия Грузияни 3:1, Испания Словакияни 5:1 ҳисобида мағлуб этди.
Аввалроқ, 31 январ куни Украина Қозоғистонни 4:2, Португалия Финляндияни 3:2 ҳисобида мағлуб этганди.
Ярим финал ўйинлари 4 февралга белгиланган. 6 феврал куни эса финал ва 3-ўрин учун ўйинлар бўлиб ўтади.
Европа чемпионати 1996 йилдан бери мунтазам равишда ўтказиб келинмоқда. Шу кунга қадар Испания - 7, Италия - 2, Россия ва Португалия - 1 марта чемпион бўлишган.
Муаллиф: Адилжан Умбет
