Футбол: Қозоғистонлик Нурали Алип Россиянинг «Зенит» жамоасига ўтди
NUR-SULTAN. Kazinform - Қозоғистонлик футболчи Нурали Алип Россиянинг «Зенит» жамоаси ўйинчисига айланди, дея хабар беради Kazinform мухбири.
Бу ҳақда Россия клуби матбуот хизмати маълум қилди.
Нурали Пактули Алип 1999 йил 22 декабрда Ақтау шаҳрида туғилган. Саккиз ёшида у маҳаллий «Каспий» жамоасида футболнинг биринчи алифбосини ўргана бошлаган.
2015 йилда у «Қайрат» академиясига ўтди ва уч йилдан сўнг Алмати клубининг асосий таркибида тақдимот ўйинини ўтказди.
Ҳозиргача у «Қайрат» сафида 99 та ўйин ўтказган. Натижада рақиблар дарвозасига бешта гол уриб, ҳамкасбларига тўртта голли узатмани тақдим этди. Жамоа таркибида мамлакат чемпиони бўлди ва икки марта Қозоғистон кубогини қўлга киритди.
У терма жамоа сафида 12 та ўйин ўтказган.
Шу йилнинг январ ойида уни «Зенит» йиғинига таклиф қилишди. Атлантика кубогида Даниянинг «Мидтъюлланд» ва «Брондбю» жамоалари дарвозасига иккита гол урди. У янги жамоасида 28-рақамда ўйнайди.
Муаллиф: Адилжан Умбет
