Энг кам иш ҳақи босқичма-босқич ўсиб боради - ҚР Меҳнат вазири
ASTANA. Кazinform – Қозоғистон Республикаси Меҳнат ва аҳолини ижтимоий ҳимоя қилиш вазири Тамара Дуйсенова қозоғистонликларнинг энг кам иш ҳақи ҳақидаги саволларига жавоб берди, деб хабар беради Кazinform мухбири.
Меҳнат вазирининг сўзларига кўра, малакасиз ходим учун 70 минг тенге энг кам иш ҳақи ҳисобланади. Шунингдек, Т. Дуйсенова аҳоли даромадларини ошириш бўйича яна қандай чора-тадбирлар кўрилаётганини тушунтирди.
«Бюджет ташкилотларининг барча ходимлари маошлари оширилмоқда. Таълим муассасаларидан бошлаб, келгуси йилга келиб, соғлиқни сақлаш соҳасида – 2024 йилга қадар, ижтимоий таъминот соҳасида – 2025 йилга келиб иш ҳақи икки баравар оширилади. Компаниялар билан иш олиб борилмоқда, тегишли меморандум мавжуд - ўртача иш ҳақи 20-30 фоизга оширилади. Энг кам иш ҳақи иқтисодиётга, ўртача ойлик иш ҳақига таъсир қилиши керак», — деди Тамара Дуйсенова.
Муаллиф: Айжан Серикжанқизи
