Елена Рибакина илк бор Берлин турнирининг чорак финалига чиқди
BERLIN. Kazinform – Қозоғистоннинг биринчи, дунёнинг 4-ракеткаси Елена Рибакина Берлинда (Германия) бўлиб ўтаётган WТА 500 турнирининг чорак финалига чиқди.
Мусобақанинг 3-ракеткаси сифатида рўйхатдан ўтган қозоғистонлик теннисчи илк учрашувини дунё рейтингида 35-ўринни эгаллаб турган россиялик Вероника Кудерметова билан ўтказди. Бунгача икки рақиб 4 марта тўқнаш келган ва уларнинг барчасида Рибакина ғалаба қозонган.
Бир соату 34 дақиқа давом этган мусобақада Елена 11 та брейк-пунктдан 4 тасини ва 5 та эйсдан фойдаланди. Кудерметова 1 эйс, 2 брейк (3 та брейк)дан ошиб кета олмади. Ҳисоб 6:4, 7:5. Шу тариқа қозоғистонлик спортчи илк бор Берлиндаги мусобақанинг чорак финалига йўлланма олди.
Елена Рибакина ярим финалга чиқиш учун олдин жаҳон рейтингида пешқадам бўлган ва айни пайтда 19-ўринни эгаллаб турган беларуслик Виктория Азаренка билан беллашади.
Эслатиб ўтамиз, аввалроқ Юлия Путинцева Бирмингем турнирини яккалик баҳсларида ғалаба билан бошлагани ҳақида ёзган эдик.
